الموت أرحم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الموت أرحم لي من اللـي تسويـه
يـا واحـدٍ لـذة حياتـك عـذابـي

مدري وش اللي من ورا الصد تجنيه
يومك تفنن في جنـون بـصوابـي

شعري بدا به أبيض الشيب يكسيـه
ليـه التجنـي يـا مضيَـع شبابـي

وش فيه قلبٍ غايتي بـس أراضيـه
وش فيه قلبك يوم طيشـه غدابـي

وش حيلت اللي صرت له كل أمانيه
لا صاير هايم بك و يطـرد سرابـي

شالمشكلة عندك إذا نمـت مرضيـه
وش اللي يسرك لو أمـوت بعذابـي

يا شين حبك بالملايين أنـا أشريـه
أشريـه والله لـو أبييـع ثيـابـي

اليوم أنـا قلبـي ردا الهـم طاويـه
والحزن حب يشوفنـي طـق بابـي

لا أحدن سمع صوتي وقال آمر شفيه
ولا أحدن سأل عني ولا أحدن درابي

من فيه غيرك بالجفن كنت أغطيـه
ومن فيه غيرك جرح حبه سطابـي

كم فز بـك قلبـي وشالـك بأياديـه
كم لك فعلـت ولا طلبتـك حسابـي

كم ضايقوك وقلت أنـا سـم لبيـه
ما عاش منهو ضايقك فـي غيابـي

أضر كـل اللـي يضـرك وأعاديـه
وأخـرب بيـوت العـواذل خرابـي

واليـوم قلبـي تجحـده يامعنـيـه
ياكيف ترسـم ضيعتـي وإغترابـي

لو كان بيدي شـي أقـدر أسويـه
نسيت حبـك والجحـود وصوابـي



..... إن شاء الله يعجبكم ......